काठमाडौँ । नेपाल राष्ट्र बैंकले शुक्रबारका लागि विदेशी मुद्राको नयाँ विनिमयदर सार्वजनिक गरेको छ। अद्यावधिक दरअनुसार अमेरिकी डलरसहित अधिकांश प्रमुख अन्तर्राष्ट्रिय मुद्राको विनिमय मूल्यमा सामान्य वृद्धि भएको छ।

राष्ट्र बैंकका अनुसार आज अमेरिकी डलर एकको खरिददर १५३ रुपैयाँ ८६ पैसा र बिक्रीदर १५४ रुपैयाँ ४६ पैसा कायम गरिएको छ। अघिल्लो दिन यसको खरिददर १५३ रुपैयाँ ७२ पैसा र बिक्रीदर १५४ रुपैयाँ ३२ पैसा थियो। यस्तै, युरोपियन युरोको खरिददर १७६ रुपैयाँ ४० पैसा र बिक्रीदर १७७ रुपैयाँ ०९ पैसा तथा बेलायती पाउण्ड स्टर्लिङको खरिददर २०७ रुपैयाँ ८० पैसा र बिक्रीदर २०८ रुपैयाँ ६१ पैसा निर्धारण गरिएको छ।

स्विस फ्र्याङ्क, अस्ट्रेलियन डलर, क्यानेडियन डलर, सिंगापुर डलर, जापानी येन, चिनियाँ युआन, साउदी रियाल, कतारी रियाल, यूएई दिराम, मलेसियन रिङ्गेट, थाइ भाट, दक्षिण कोरियाली वन, स्वीडिस क्रोनर, डेनिस क्रोनर, हङकङ डलर, कुवेती दिनार, बहराइन दिनार तथा ओमानी रियालको विनिमयदर पनि राष्ट्र बैंकले अद्यावधिक गरेको छ।

भारतीय रुपैयाँ १०० को खरिददर १६० रुपैयाँ र बिक्रीदर १६० रुपैयाँ १५ पैसा यथावत् कायम राखिएको छ। राष्ट्र बैंकले आवश्यकताअनुसार विनिमयदर जुनसुकै बेला संशोधन गर्न सकिने तथा वाणिज्य बैंकले निर्धारण गर्ने दरमा केही फरक हुन सक्ने जनाएको छ।